Béthléhem

Béthléhem

À Béthléhem, ville dé Judée,
il est dit dans la Bibl'ye
qué Jésû Chri lé fis dé Dgieu
fut né lé Jour dé Noué.

Êcoutez don les anges tchi chantent,
êcoutez à lus m'sage:
i' dithent qu'aniet
l'fis dé Mathie
s'sa né à Béthléhem.

Joseph, Mathie, et la p'tite âne,
traichîdrent éyou s'couochi.
Dans l'êtabl'ye i' trouvîdrent eune tâne
pouor Jésû dans l'râclyi.

Êcoutez don les anges tchi chantent,
êcoutez à lus m'sage:
i' dithent qu'aniet
l'fis dé Mathie
s'sa né à Béthléhem.

Les bèrgers, dans les clios couochis,
vîdrent l'êtaile si brillante
et ouîdrent lé chant tchi v'nait du ciel
lus dithe les bouonnes nouvelles.

Êcoutez don les anges tchi chantent,
êcoutez à lus m'sage:
i' dithent qu'aniet
l'fis dé Mathie
s'sa né à Béthléhem.

Les trais sages hoummes et les bèrgers
s'en fûdrent à Béthléhem,
et dans l'êtabl'ye sus l'fain couochi
lé p'tit Jésû dormait.

Êcoutez don les anges tchi chantent,
êcoutez à lus m'sage:
i' dithent qu'aniet
l'fis dé Mathie
s'sa né à Béthléhem.

Sonnez les clioches, chantez en glouaithe:
not' nouvieau rouai est né,
et l'houmme vivtha êtèrnellement
à cause du Jour dé Noué.

Êcoutez don les anges tchi chantent,
êcoutez à lus m'sage:
i' dithent qu'aniet
l'fis dé Mathie
s'sa né à Béthléhem.

Vèrsion Jèrriaise d'un cantique Dgèrnésiais:
D.O. Heaume