Monday 2 November 2015

Lé Matîn

Né v'chîn l'texte d'aniet d'not' auteu du mais, Florence Mary Hacquoil (FMH):

Here's today's text by our author of the month, Florence Mary Hacquoil (FMH):

Lé Matîn
J'aime à m'prom'ner dans not' gardîn
Quand tout est trantchille lé matîn,
Les limaches et colimachons
Laîssent lus mèrques partout où'est qu'i'vont.

Y'a d'la rôsée sus les rôsièrs,
Tchi d'ithangnies sont touos couvèrts,
Les taupes dans lé gardîn ont fait
Un vrai saccage, qué mémée crait.

Ch'est drôle qué les femmes né savent rein
Car les taupiniéthes font du bein,
Il' ouvrent la tèrre à air et solé
Tchi donne à l'hèrbe toute sa biauté.

Lé tchoeu des ouaîsieaux fait pliaîsi,
La grive tchi chante à pliein gôsi,
Lé mêle, la rouoge-gorge et l'raîté,
Annoncent lé jour au l'vant du solé.

Nou ouait les sources tchi chantent bein haut,
Et l'canné dans not' pré cliapotte,
Comme i' s'en va bein vite, tout drait
Pour aller joindre les ieaux d'la mé!

No comments: