Monday 23 June 2014

Skipton Open Studios



Not' poète Wace 'tait l'preunmyi tch'êcrivit qu'lé Rouai Èrthu avait eune Ronde Tabl'ye. Les mousses de nos cliâsses du Jèrriais (auve lus fanmil'yes) n'ont pon grée eune ronde tabl'ye, mais eune tabliée d'assiettes, dé fourchettes, dé coutchieaux, dé tchulièrs et d'mangi pouor Skipton Open Studios 2014 dans l'Vièr Marchi Sanm'di l'21. À deux pas dans l'Vièr Marchi, y'a l'monument Wace, et Tony Scott Warren liut tchiques buts d'Wace et Geraint Jennings liut tchiques poésies entouor l'art.

Sus un mondrîn à dgéthoter,
i' capuchent, piétinnent, dansicotent;
les g'nouors et tchiêsses, pids et ortés
en orange, vèrt et bliu et bieaut-

é tapent un rond rhythmique dé d'si;
châtchun pèrdu dans ses amours:
les chîn d'samathés, d'sabilyis,
mîntent pid à tèrre à Pétersbourg.







No comments: