Monday 30 June 2014

Lé Pour

Du p'tit livret Èrcitâtions Jèrriaises pour l'Eisteddfod 1954 (j'en trouvînmes eune copie parmi les papièrs à Eileen L'Sueux):

Lé Pour
Les Etats sont à décider
Si nos garçons d'vthaient aller
Faithe lus service et lus d'vé,
Et comme soudards entraîner.

V'la tchi lus f'thait hardi d'bein,
Lé clyimat angliais est sain;
I' nes'saient pon poupottés,
Et par lus mémées gâtés.

Quand i' r'veindraient en Jèrri
I' séthaient comment marchi;
Nou'n les verrait pon lonvyier
L'long dés routes l'dimanche au sé.

Si j'voulons qu'nos pommes de terre
S'saient vendues en Angliéterre,
Nos garçons faut lus envyier,
Pour la paix nos asseuther.

Les jannes hommes auve lus longs g'veux,
Habillyis à vos faithe peûx,
Apprendraient à lus r'dréchi
Et comment lus habillyi.

L'y a pon doute qu'la discipline
Lus donnait bein miyeu minne;
Ils éthaient d'autres intéthêts
Que patates, chours et pouothêts.

FMH

No comments: